Revista Ora

Te gjitha lajmet nga vendi dhe rajoni.

Tirana vijon të jetë problematike/ Nga 23 raste të reja me koronavirus, 16 janë në kryeqytet

Përfaqësues nga ministria e Shëndetësisë kanë njoftuar edhe për sot rastet e personave të infektuar me koronavirus në Shqipëri.

Janë regjistruar 23 raste të reja në 24 orët e fundit duke bërë që të shkojë në 1122 numri total I të prekurve prej pandemisë.

Sipas MSH, rastet e reja janë në bashkitë e Tiranës, Matit, Durrësit, Lushnjes, Krujës dhe Librazhdit.

Deklarata e Dr. Marjeta Dervishi nga Instituti i Shëndetit Publik:

Ju informojmë rreth situatës së COVID 19 në Shqipëri. Gjatë 24 orëve të fundit janë testuar 229 qytetarë si të dyshuar të prekur me Covid19 dhe janë konfirmuar 23 raste pozitive. Shpërndarja e rasteve të reja pozitive është si vijon: 16 raste janë identifikuar në Tiranë, 2 në Mat, 2 në Lushnje, 1 në Durrës, 1 në Krujë, dhe 1 rast në Librazhd.

Nga totali i të prekurve të identifikuar në 24 orët e fundit, 19 janë kontakte të rasteve të mëparshme të konfirmuara pozitive, ndërsa për 4 raste po vazhdon hetimi epidemiologjik. Në 24 orët e fundit janë testuar 21 personel shëndetësor dhe kanë rezultuar pozitive 2 raste. Në spitalin infektiv aktualisht po trajtohen 26 pacientë, nga të cilët 4 janë në terapi intensive dhe 1 pacient është i intubuar në gjendje të rëndë.

Në 24 orët e fundit janë shëruar 6 qytetarë, duke e çuar në 857 numrin e të shëruarve. Nga fillimi i epidemisë janë kryer rreth 16 mijë testime molekulare dhe serologjike. Që nga fillimi i epidemisë janë 1122 raste të konfirmuara, prej të cilëve aktualisht janë 232 persona aktivë me COVID19, kryesisht ne Tiranë, Durrës dhe Krujë. Vijojnë testimet serologjike tek personeli shëndetësor. Deri tani janë mbi 1450 të testuar me një përqindje të përgjithshme pozitiviteti rreth 9%.

COVID-19 – Statistika (30 Maj 2020)

Testime totale 15950. Testime molekulare 14498. Testime serologjike 1452.

Raste pozitive 1122. Raste të shëruara 857. Raste Aktive 232.

Humbje jete 33 (Qarku Tiranë 20, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë 137. Durrës 39. Krujë 16. Shkodër 11. Kamëz 9. Mat 8. Lushnje 6. Berat 2. Fier 2. Korçë 1. Librazhd 1.

Leave a Reply