Revista Ora

Te gjitha lajmet nga vendi dhe rajoni.

Jepen shenjat se Greqia mund të njoh Kosovën, ja çfarë ka thënë ministri i Jashtëm grek

Ministri i Jashtëm grek, Nikos Dendias, ka folur për mundësinë e njohjes së Kosovës nga Greqia, në një intervistë për gazetën “Real News” me gazetarin Jorgos Siasidhas. Në intervistën e tij, kreu i diplomacisë greke ka komentuar çështje “të nxehta”, si marrëdhëniet e Greqisë me Turqinë, zbatimin e Marrëveshjes së Prespës, çështjen e Qipros dhe Kosovës.

Greek FM Nikos Dendias visit to Turkey postponed to Thursday | Al Arabiya  English

Lidhur me mesazhin e rolit të ri, më të zgjeruar të përfaqësisë diplomatike të Kosovës në Athinë dhe dy vizitave brenda pak muajsh në Prishtinë, ministri Dendias është pyetur nëse Greqia planifikon njohjen e Kosovës dhe nëse ky akt është kundër të Drejtës Ndërkombëtare.

Dendias në përgjigje është shprehur se integrimi i Ballkanit Perëndimor në familjen evropiane të Bashkimit Evropian përbën një çështje prioritare, pasi stabiliteti në rajon ndikon drejtpërdrejt në sigurinë edhe të Greqisë. Sipas Dendias, edhe pse ka ndryshuar pozicioni i Greqisë në lidhje me statusin e Kosovës, mbajtja e një qëndrimi konstruktiv dhe mbështetja e dialogut Prishtinë-Beograd janë prioritare. Lidhur me ligjshmërinë e njohjes së mundshme të pavarësisë nga ana e Greqisë, Dendias iu referua Gjykatës Ndërkombetare të Drejtësisë në Hagë, e cila në vitin 2010 doli me konkluzionin se shpallja e pavarësisë Kosovës nuk përben shkelje të së Drejtës Ndërkombëtare, pasi nuk ishte produkt i përdorimit të dhunës së paligjshme të dënuar nga Këshilli i Sigurimit, siç ishte sipas Dendias, “shpallja e pseudo-shtetit të Qipros Turke në vitin 1983”.

Nikos Dendias shtoi se me shpërbërjen e Bashkimit Sovjetik dhe Jugosllavisë u themeluan mjaft shtete të reja ku asnjë prej të cilave nuk ishte rezultat i një sulmi të jashtëm. Ministri i Jashtëm grek ka vizituar një muaj më parë Prishtinën dhe është takuar me presidenten Vjosa Osmani, kryeministrin Albin Kurti dhe politikanë të tjerë të Kosovës. Kreu i diplomacisë greke përcolli në Prishtinë mesazhin e mbështetjes për Kosovën, por jo njohjen e saj.

Greek FM Dendias to visit Turkey for East Med talks | Daily Sabah