E konfirmojnë zyrtarisht! Presidenti është infektuar me koronavirus, ja gjendja e tij

Presidenti i Brazilit, Jair Bolsonaro, rezulton pozitiv me Covid-19 edhe në testin e tretë.

“Testi i bërë nga presidenti dje, (21 korrik) shfaqi rezultat pozitiv”, thuhet në deklaratën e publikuar nga Ministria e Komunikimit.

“Presidenti Bolsonaro është ende në gjendje të mirë, i shoqëruar nga ekipi mjekësor i presidencës”, thuhet më tej në deklaratë, ndërsa testi i parë që e nxori pozitiv është bërë në datën 7 korrik.

Bolsonaro më herët është munduar ta nënvlerësojë rrezikun që vjen nga koronavirusi, duke e përshkruar atë si një grip të vogël, madje ka pasur edhe një përplasje deri në padi, me gazetarët, pasi para tyre hoqi maskën edhe pse i infektuar.

Për më tepër, ai i ka kundërshtuar masat kufizuese, duke thënë se ato po e dëmtojnë ekonominë më shumë sesa vetë sëmundja.