Revista Ora

Te gjitha lajmet nga vendi dhe rajoni.

Ata që jetojnë në shtëpi nuk duhet të grumbullohen as në oborre

Pas dy ditëve të ftohta, nga nesër temperaturat sërish do të shënojnë ngritje.

Instituti Hidrometeorologjik i Kosovës ka njoftuar se të mërkurën dhe enjten, vranësirat do të zhvendosen në drejtim të juglindjes për t’u zëvendësuar me rreze dielli.
Me shtrëngimin e masave për lirinë e lëvizjes, qytetarët u mbetet vetëm një orë e gjysmë në ditë që të dalin dhe të kryejnë obligimet e tyre. Pjesa më e madhe, natyrisht ata që jetojnë në shtëpi, do ta kalojnë në oborre duke shijuar rrezet pranverore.

Mirëpo, Instituti Kombëtar i Shëndetit Publik ka bërë thirrje qytetarëve të mos qëndrojnë në grumbuj qoftë edhe në oborret e shtëpive.

“Edhe kur dilni në orët e përcaktuara të lëvizjes, ju lutemi të respektoni masat e distancimit fizik dhe të mos qëndroni në grumbuj qoftë edhe në oborret e shtëpive tuaja apo para hapësirave tregtare dhe sporteleve, që të mos rrezikoni veten dhe familjet tuaja”, thuhet në apelin e IKSHPK-së.

Kujtojmë se numri i të infektuarve me coronavirus në Kosovë ka shkuar në 387, 66 persona janë shëruar gjersa 9 kanë vd ekur.

Leave a Reply